Титан Усје, во соработка со професори и студенти од Шумарскиот факултет во Скопје, локалните невладини организации и нашите посветени вработени, успешно реализираше иницијатива за садење стотици садници кај рудникот „Три Круши“. Целта на оваа акција е да се придонесе за пошумување на локалниот екосистем, борба против климатските промени и поттикнување на зелена иднина за сите.
Овој настан, кој вклучи повеќе од 70 учесници, е многу повеќе од обично садење дрвја. Тоа е чекор во градењето партнерства, ангажирање на заедницата и инвестирање во одржливо унапредување на природата. Соработката меѓу сите учесници беше инспиративна и потврди дека заедно можеме да постигнеме големи резултати за екологијата и идните генерации.
Титан Усје изразува благодарност до сите кои учествуваа и ја поддржаа оваа иницијатива. Да продолжиме да се грижиме за природата и да ги заштитуваме нашите ресурси додека го правиме светот околу нас безбедно, одржливо и пријатно место за живеење!🌱💚
