Титан Усје, како компанија посветена на општествената одговорност и инклузијата, донесе празнична радост со 500 новогодишни пакетчиња за деца со попреченост и деца од згрижувачки семејства. Иницијативата беше предводена од техничкиот директор, Гоце Цветковски, и реализирана во партнерство со Министерството за социјална политика, демографија и млади и локалните граѓански здруженија.
Радоста беше очигледна додека децата уживаа во дружењето со своите омилени ликови од цртаните филмови, а секако, специјалната појава на Дедо Мраз го направи денот уште поволшебен!
Овој настан ја рефлектира нашата посветеност кон градење поинклузивно општество. Радоста на лицата на децата и нивните насмевки ја одразуваат моќта на различностите. Да ги прифатиме и поддржиме нашите различности, затоа што само заедно можеме да создадеме подобар свет.
