Цементарница УСЈЕ оваа година традиоционално по 28ми пат учествуваше во Цементаријадата 2017, која се одржа во Кладово во близина на Ѓердап, Србија од 29 јуни до 2 јули. Покрај учесниците од УСЈЕ, имаше претставници и од неколку други цементарници од регионот: Цементара Лукавац од Босна, Холцим Поповац, Лафарж Беочин и ТИТАН Цементара Косјериќ од Србија, со вкупно околу 300 учесници. Учесниците се натпреваруваа во неколку спортови и тоа: мал фудбал, одбојка, кошарка, пинг-понг, пикадо, стрелаштво, влечење јаже, риболов и шах. Вработените на УСЈЕ освоија пехари за: 3то место пикадо (машки екипно), 2ро место шах (екипно), 1во место - најдобар поединец во пикадо (жени), 2ро место за ревијална рибја чорба и трофеј за фер плеј.
Покрај спортските активности, учесниците на овој настан имаа и организирано пловење по Дунав и пикник на кој беше организиран натпревар во готвење рибја чорба на кои имаа прилика да се запознаат подобро и да разменат искуства и мислења.
Цементарница УСЈЕ секогаш ги поддржува овие активности кои помагаат за јакнење на тимскиот дух на вработените.
