Главен фокус на Цементарница УСЈЕ е производство на цемент. Ние сме врвен производител и снабдувач со висококвалитетен цемент во нашата држава и во околните земји. Овозможуваме решенија со високи перформанси за нашите клиенти, како што се градежни компании, инсталации за производство на готов бетон (бетонски бази), производители на префабрикувани производи од бетон и цементни производи и производители на сува мешавина од малтер и градежни изведувачи.
Фокусирани сме на испорака на цемент со додадена вредност, дизајниран соодветно на потребите на купувачите. Нашата цел е да бидеме прв избор и партнер за сите типови цементи.
Произведуваме рефус и пакуван цемент. Нашите цементи се класифицирани според нивните рани и крајни јачини, како и според нивниот состав. Нашиот портланд цемент е врзувачки материјал со висок квалитет и долготрајност. Ги задоволува сите применливи хемиски и физичко-механички барања и се користи во сите сфери на градежништвото, од градење домови, училишта, болници, до тунели и аеродроми. Нашиот сив портланд цемент е тип на цемент што се прави од мелен клинкер, гипс, летечка пепел и варовник.
Вистински цемент за секоја потреба.
